काठमाडौं । हास्य कलाकार मनोज गजुरेलले दोस्रो बिवाह गर्ने बताएका छन्।

‘चाँडै नै तपाईंहरुको शुभकामना, सुझाव, सल्लाह अनुसार मैले मेरो जीवनमा कोही साथी जोड्दै छु। हामी जोडिंदै छौं। अहिलेलाई यति मात्र भनौं’ उनले भनेका छन् ।

दोस्रो बिवाह हुने बताए पनि उनले को सँग बिहे हुने भन्ने बारेमा भने केही खुलाएनन् । कलाकार गजुरेल र मीना ढकालले ३ बर्ष अघि सहमतिमै सम्बन्ध विच्छेद गरेपछि उनले पहिलो पटक आफ्नो बिहेका बारेमा खुलेर कुरा गरेका हुन् ।

उनीहरु ३ वर्ष पहिले २२ वर्ष लामो बैवाहिक जीवनको अन्त्य गर्दै अलग अलग बस्दै आएका थिए । उनीहरुबाट एक छोरा र एक छोरी छन् ।