बाँके । नेपाल कम्युनिस्ट पार्टी बाँकेका जिल्ला कमिटी सदस्य चन्द्र भुसालको कोरोना संक्रमणबाट निधन भएको छ । कोरोना संक्रमण पुष्टि भएपछि कोहलपुरस्थित नेपालगन्ज मेडिकल कलेजको आइसोलेसनमा उपचाररत भुसालको आज दिउँसो निधन भएको हो ।

कोहलपुरका व्यवसायीसमेत रहेका भुषाल दुई सातादेखि अस्वस्थ भएपछि अस्पताल भर्ना गरिएको थियो । मुटुका बिरामी रहेका भुसालको यसअघि नै उपचार गरी पेसमेकर जडान गरिएको थियो । अवस्था बिग्रदै गएपछि आजै उनलाई नेपालगन्जस्थित भेरी अस्पतालमा ल्याइएको थियो ।

अस्पताल विकास समितिका अध्यक्षसमेत रहेका नेकपा बाँकेका प्रचार विभागका प्रमूख प्रमोद धितालका अनुसार भुसाललाई भेरी अस्पताल पुर्याइएको केहीबेरमै निधन भएको थियो । बाँके कम्युनिष्ट आन्दोलनका पुराना नेता भुसालको निधनले पार्टीपंक्तीलाई अपुरणीय क्षति पुगेको नेकपा बाँकेले जनाएको छ ।