पर्सा । श्रोत नखुलेको ३ लाख ३० हजार रकम सहित एक युवक रौतहट बाट पक्राउ परेका छन्।

श्रोत नखुलेको रकम सहित प्रहरीले रौतहट राजपुर नगरपालिका ५ वस्ने १९ वर्षका शेख नुरसैदलाई पक्राउ गरेको हो।

अस्थायी प्रहरी पोष्ट महादेवपट्टीबाट खटिएको प्रहरी टोलीले गौर नगरपालिका २ स्थित सवारी साधन तथा पैदल यात्रीहरुलाइ चेकजाँच गर्ने क्रममा भारतबाट नेपाल तर्फ आउँदै गरेको अवस्थामा नुरसैदलाई पक्राउ गरेको हो।

उनको साथबाट प्रहरीले श्रोत नखुलेको ३ लाख ३० हजार रकम बरामद गरेको रौतहटका प्रहरी प्रबक्ता भरत श्रेष्ठले जानकारी दिए नुरसैदलाई आवश्यक कारवाहीको लागि गौर भन्सारमा पठाइएको श्रेष्ठले बताए ।