पर्सा । चाँदीको सिक्कासहित रौतहटबाट एकजना भारतीय युवा पक्राउ परेका छन् । चाँदीको सिक्कासहित पक्राउ पर्नेमा भारत जिल्ला मोतिहारी सिक्टा घर भएका २३ वर्षका चन्दन साह सोनार रहेका छन् ।

सोनारलाई गौर नगरपालिका वडा २ महादेवपट्टी स्थित दशगजा क्षेत्रमा भारतबाट नेपाल तर्फ आउँदै गरेका बेला प्रहरीले पक्राउ गरेको हो । उनको साथबाट प्रहरीले २० तोला तौलका २० वटा चाँदीको सिक्का बरामद गरेको छ।

चाँदीसहित पक्राउ परेका सोनारलाई प्रहरी हिरासतमा राखी थप अनुसन्धान भइरहेको जिल्ला प्रहरी कार्यालय रौतहटले जनाएको छ।