काठमाडौं । पूर्व सञ्चारमन्त्री तथा सत्तारूढ दल नेपाल कम्युनिस्ट पार्टी (नेकपा)का केन्द्रीय कमिटी सदस्य गोकुल बास्कोटाले देशलाई संघीयता आवश्यक नरहेको प्रतिक्रिया दिएका छन् । शुक्रवार सामाजिक सञ्जाल ट्वीटरमा लेख्दै बास्कोटाले द्वन्द्व व्यवस्थापनका लागि मात्र संघीयता मान्दिनुपरेको टिप्पणी गरेका हुन् ।

‘संघीय लोकतान्त्रिक गणतन्त्र नेपाल’ हटाएर ‘नेपाल’ मात्र लेख्ने सरकारको निर्णयको बचाउ गर्दै उनले यस्तो टिप्पणी गरेका हुन् । ‘सङ्घीय गणतन्त्र राजनीतिक व्यवस्था अनि नेपाल देशको नाम । यसमा चै के प्रतिगमन भएछ हँ ?’ उनले लेखेका छन्, ‘प्रदेशहरु खारेज भएको त छैन । द्वन्द्व व्यवस्थापनका लागि मान्दिनु परेको न हो । देशलाई खाँचो त थिएन सङ्घीयता । लफडा झिक्न परेपछि हावामै शत्रु ढाल्न तलवार घुमाउने भएछन् । कमरेडका दुःख पनि कहिल्यै नसकिने के !’

सङ्घीय गणतन्त्र राजनीतिक ब्यवस्था अनि नेपाल देशकाे नाम।यस्मा चै के प्रतिगमन भएछ हँ?प्रदेशहरु खारेज भएकाे त छैन।द्वन्द ब्यवस्थापनकाे लागि मान्दिनु परेकाे न हाे देशलाई खाँचाे त थिएन सङ्घीयता।लफडा झिक्न परेपछि हावामै शत्रु ढाल्न तलवार घुमाउने भएछन।कमरेडका दुःख पनि कहिल्यै नसकिने के!

— Gokul Prasad Baskota (@GokulPBaskota) November 6, 2020