बाँके । बाँकेको नरैनापुर गाउँपालिकाले ‘मोहम्मद डे’मा सार्वजनिक विदा दिएको छ । आज परेको मोहम्मद डेमा सार्वजनिक विदा दिइएको गाउँपालिकाका अध्यक्ष इस्तियाक अहमद शाहले बताए । इस्लाम धर्मका प्रवर्तक हजरत मोहम्मद पैगम्बर सल्लाह अलैवसल्लामको जन्मजयन्तीलाई इस्लाम धर्माबलम्बीहरुले धुमधामका साथ मनाउने गर्दछन् ।

‘मोहम्मद डे’को अवसरमा गाउँपालिकाका अध्यक्ष शाहले एक शुभकामना सन्देश दिँदै भनेका छन्, ‘विश्वलाई शान्ति र अहिंसाको बाटोमा लान मोहम्मद हजरत पैगम्बरको प्रेरणादायी जीवन र उपदेशले सबैमा प्रेरणा प्रदान गरोस् भनी शुभकामना व्यक्त गदछौं ।’

स्थानीय तहले आवश्यकता अनुसार स्थानीय विदा दिन सक्ने व्यवस्था अनुसार मोहम्मद डेका अवसरमा आज गाउँपालिकामा सार्वजनिक विदा दिइएको प्रमुख प्रशासकीय अधिकृत महेन्द्रजंग शाहीले बताए । गाउँपालिकाले गत बर्ष पनि सार्वजनिक विदा दिएको थियो । नरैनापुर मुस्लिम समुदायको बाक्लो बसोबास रहेको क्षेत्र हो ।