कैलाली । कैलालीमा कार्यरत सशस्त्र प्रहरी जवान मृत फेला परेका छन्। विओपी सशस्त्र प्रहरी गण धनगढीको जुगेडामा कार्यरत  सुर्खेत घर भएका २२ वर्षीय प्रहरी जवान कुमार तारु मगर मृत फेला परेका हुन्।

हिजो बेलुका अफिसबाट बाहिर जान्छु भनेर निस्केका उनी नफर्किएपछि खोजतलास गरिएको थियो। खोजी कार्य गर्दा शनिबार बिहान ११ बजे धनगढी उपमहानगरपालिका वडा नम्वर १४ को खुटिया खोलामा उनी मृत फेला परेको जिल्ला प्रहरी नायव उपरीक्षक प्रतीक विष्टले जानकारी दिए।

‘खोलाको गहिरो भागमा शव भेटियो, शरीरमा चोटपटक भने छैन, ’ विष्टले भने। शवलाई सेती प्रादेशिक अस्पतालमा राखिएको छ। घटनाबारे आफन्तलाई जानकारी गराइसकेकाले पोष्टमार्टम गर्ने तयारी भइरहेको प्रहरी नायब उपरीक्षक विष्टले बताए।

घटनाको अनुसन्धान भइरहेको प्रहरीले जनाएको छ।