सिन्धुपाल्चोक । सिन्धुपाल्चोकको पहिरोमा परेर वेपत्ता भएकाहरुमध्ये आज दुई जनाको शव भेटिएको छ ।

आज २२ वर्षीय कुमार विक र २१ वर्षीया सोनिका विकको शव भेटिएको जिल्ला प्रहरी कार्यालयका प्रहरी नायव उपरीक्षक प्रकास सापकोटाले जानकारी दिनुभयो ।

यो सँगैं घुम्थाङ पहिरोमा ज्यान गुमाउनेको संख्या १३ पुगेको छ । अन्य वेपत्ता १८ जनाको खोजी भइरहेको प्रहरीले जनाएको छ ।

हिजो गएको पहिरोले बाह्रबिसे नगरपालिका ७ को भीरखर्कका १० र नागपूजे गाउँका सात घर पुरिएका छन् ।

पहिरो प्रभावित क्षेत्रमा नेपाली सेनाले ३५ जनाको टोली खटाएको छ ।