कोरोना कहर
काठमाडौं । चितवनमा थप ३४ जनामा कोरोनाभाइरसको संक्रमण देखिएको छ भने थप एक जनाको कोरोना संक्रमणबाट मृत्यु भएको छ ।
भरतपुर अस्पताल कोभिड–१९ प्रयोगशालामा शनिबार राति गरिएको परीक्षणमा चितवनका ३० जनासहित थप ३४ जनामा कोरोना संक्रमण पुष्टि भएको हो ।
जसमा भरतपुर महानगरपालिकाका १८ जना पुरुष र ११ जना महिला गरी २९ जना रहेका छन् । त्यस्तै राप्ती नगरपालिकाका एक जना पुरुष रहेको छन् । त्यस्तै नवलपुरका ३ जना र कास्कीका एक जना रहेका छन् ।
त्यस्तै आइतबार बिहान चितवनमा भरतपुर महानगरपालिका–१५ का ७० वर्षीय पुरुषको कोरोना संक्रमणबाट मृत्यु भएको छ । उनको आज बिहान चितवन मेडिकल कलेजमा उपचारको क्रममा मृत्यु भएको हो ।
उनलाई भदौं १३ गते कोरोना संक्रमण पुष्टि भएको थियो । यससँगै चितवनमा कोरोना संक्रमणबाट मृत्यु हुनेको संख्या १२ जना पुगेको छ ।
सत्यपाटी ।