भारत । भारतमा कोरोना संक्रमित थपिने दर तिव्र रुपमा बढ्दै गएको छ। त्यहाँ एकैदिन ९० हजार भन्दा धेरै संक्रमित थपिएका छन्।

पछिल्लो २४ घन्टामा भारतमा ९० हजार ६ सय संक्रमित थपिँदा कुल संक्रमितको संख्या ४१ लाख ११ हजार पुगेको छ। कोरोनाका कारण हिजो १ हजार भन्दा मानिसको मृत्यु भएसँगै कुल मृतकको संख्या ७० हजार ६ सय नाघेको छ।

यस्तै अमेरिकामा ४० हजार ७ सय भन्दा धेरै संक्रमित थपिएसँगै कुल संक्रमितको संख्या ६४ लाख २९ हजार ८ सय पुगेको छ। सात सय मानिसको मृत्यु भएसँगै कुल मृतकको संख्या १ लाख ९२ हजार ८ सय पुगेको छ।

अमेरिकामा हालसम्म ६४ लाख २९ हजार ८ सय मा कोरोना संक्रमण हुँदा ३७ लाख ६ हजार ७ सय मानिस संक्रमण मुक्त भएका छन्। पछिल्लो विवरण अनुसार विश्वभर कोरोना संक्रमितको संख्या २ करोड ७० लाख ४३ हजार भन्दा धेरे पुगेको छ भने ८ लाख ८२ हजार ९ सय जनाको मृत्यु भएको छ।