काठमाडौं। नेशन्स लिगअन्तर्गत समूहचरणको पहिलो खेलमा इटालीले बोस्निया हर्जगोभिनासँग बराबरीमा रोकिएको छ।

घरेलु मैदानमा भएको खेलमा इटालीले १-१ को बराबरी खेलेको हो।

खेलको शुरूआती अग्रता बोस्नियाले लिएको थियो। बोस्नियाका एडिन डेकोले ५७औं मिनेटमा गोल गर्दै १-० को अग्रता दिलाएका थिए।

त्यसको १० मिनेटपछि ६७औं मिनेटमा स्टेफानो सेन्सीले बराबरी गोल गर्दै इटालीलाई हारबाट जोगाएका थिए। सेन्सीको यो दोस्रो अन्तर्राष्ट्रिय गोल हो।

समूहचरणमा अब इटाली र बोस्नियाले नेदरल्यान्ड्स र पोल्यान्डसँग खेल्नेछन्।