धादिङमा एक जनाको हत्या गरी हत्यारा टाउको बोकेर प्रहरीकोमा
धादिङ । धादिङमा हतियार प्रहारबाट एकजनाको हत्या गरिएको छ ।
धादिङको नीलकण्ठ नगरपालिकाका राजु परियारले ६४ वर्षीय सोमबहादुर गुरुङको खुर्पाले हानेर हत्या गरेका हुन् ।
सामान्य विवाद पछि परियारले गुरुङलाई घरभन्दा केही पर सडकमा लगेर हत्या गरेको स्वीकारेको जिल्ला प्रहरी कार्यालय धादिङले जानकारी दिएको छ ।
परियारले गुरुङको टाउको र खुर्पा बोकेर जिल्ला प्रहरी कार्यालय धादिङमा आत्मसमपर्ण गरेको प्रहरी उपरिक्षक रविन्द्र रेग्मीले बताए ।
घटनाको थप अनुसंधान भईरहेको प्रहरीले जनाएको छ ।
सत्यपाटी ।