साहित्य
साइनो (कोरोना विशेष)
१.
माक्स लगाई राखौं
हरघडी हरपल
गर्नसक्छ कोरोना छल !
२.
चलायमान बनौ
मलाई पुग्छ नभनौँ
बरु करेसा बारीखनौँ !
३.
दुरी अनि सफाई
भाइरस वाईवाई
टाढैबाट हलो र हाई !
४.
खेलाची बन्द गरौँ
आफ्नै लागि हो डरौँ
सचेत बनि अघि बढौँ !
५.
पिऔँ झोलिलो तातो
यही छ असल बाटो
कोरोनाको भगाऊँ सातो !
६.
नगरौं चुरीफुरी
बनाएर हिँडौं दुरी
ननिस्कौँ नभै मजवुरी !
७.
बढ्यो भने बहाव
सबथोक छ अभाव
त्यसैले बदलौँ स्वभाव !
नेपालगन्ज–२०, राँझा एयरपोर्ट, बाँके
चिरञ्जीवी ढकाल ।