बाँके । बाँके प्रहरीले जुवा खेलिरहेका पाँच जना जुवाडेलाई कोहलपुरबाट मंगलबार पक्राउ गरेको छ । दुई लाख पाँच हजार ४५० रुपैयाँ नगद र एक गड्डी ताससहित जुवाखालबाट पक्राउ गरेको जिल्ला प्रहरी कार्यालय बाँकेले जनाएको छ ।

पक्राउ पर्नेहरुमा कोहलपुर–११ का ३४ बर्षिय प्रकाश रिजाल, ४५ बर्षिय रमेश गिरी, ३४ बर्षिय टंकबहादुर रोकाय, ५० बर्षिय भीमबहादुर शाही र ४५ बर्षिय टोलप्रसाद दाहाल रहेका छन् । पक्राउ परेकाहरुमाथि थप अनुसन्धान अघि बढाइएको प्रहरीले जनाएको छ ।