बर्दिया । बर्दियाको बाँसगढीमा सवारी दुर्घटनामा परेर एक साइकल यात्रीको मृत्यु भएको छ । शनिबार साँझ बाँसगढीको लक्ष्मणा चोकमा भएको सवारी दुर्घटनामा परेर एक साइकल यात्रीको मृत्यु भएको इलाका प्रहरी कार्यालय बाँसगढीले जनाएको छ ।

प्रहरीका अनुसार पहिचान नखुलेका साइकल यात्री ना ३ ख ३७०१ नम्बरको ट्रकमा पछाडीबाट ठोक्किएका थिए । पश्चिमबाट पुर्व आइरहेको उक्त ट्रकमा साइकल यात्री पछाडीको भागमा ठोक्किदा गम्भिर घाइते भएको बताइएको छ । उनको उपचारका क्रममा नेपालगन्ज मेडिकल कलेज शिक्षण अस्पताल कोहलपुरमा मृत्यु भएको थियो ।

ट्रक र चालकलाई इलाका प्रहरी कार्यालय बाँसगढीले नियन्त्रणमा लिएको छ । उपचारका क्रममा साइकल यात्रीको मृत्यु भएपछि अबेर रातीसम्म पहिचान हुन नसकेको अस्थाई ट्राफिक पोष्ट बाँसगढीले जनाएको छ । मृतकको पहिचानको लागि प्रयास भइरहेको ट्राफिक प्रहरीले बतायो । मृतक बाँसगढी क्षेत्रकै हुनसक्ने बताइएको छ ।