काठमाडौं । नेपालमा बितेको २४ घण्टामा थप ३३१ जनामा कोरोनाभाइरस संक्रमण पुष्टि भएको छ । शनिबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले सो जानकारी दिएका हुन् । योसँगै नेपालमा कोरोना संक्रमितको कूल संख्या ८ हजार ६०५ पुगेको छ । हालसम्म कोरोना संक्रमण देशभरका ७४ जिल्लामा पुगेको छ ।

जसमा महिला ७५६ र पुरुष ७ हजार ८४९ जना रहेका छन् । आज थपिएकामा ४९ महिला र पुरुष दुई २८२ जना रहेको पनि गौतमले जानकारी दिए । यस्तै बितेको २४ घण्टामा कोरोना संक्रमण देखिएर विभिन्न अस्पतालमा उपचाररत १७६ जना संक्रमित निको भएर घर फर्किएका छन् । हालसम्म डिस्चार्ज हुनेको संख्या १ हजार ५७८ जना पुगेको प्रवक्ता गौतमले बताए ।