बाँके । बाँकेको राप्तीसोनारी–१, अगैयामा ट्याक्टर राप्ती नदीमा खस्दा बेपत्ता भएका दुई जनामध्ये एक जनाको शव फेला परेको छ । बेपत्ता भएका राप्तीसोनारी–३ भगौतिपुरका अन्दाजी २५ बर्षिका चुन्ना थारुको शव भेटिएको हो ।

सोही ठाउँका १७ वर्षिय सुनिल थारु अझै बेपत्ता रहेको र उनको सम्शेरगन्जमा रहेको सशस्त्र प्रहरीको सुरक्षा बेस क्याम्पबाट खटिएको गोताखोर टोलीले खोजी गरिरहेको इलाका प्रहरी कार्यालय कोहलपुरका प्रहरी निरिक्षक रणबहादुर बिष्टले जानकारी दिएका छन् ।

सिक्टा सिँचाइ आयोजनाको मुख्य बाँधमा रहेको राप्ती नदीमाथि रहेको पुलको छेउबाट अनियन्त्रित भई ना ७ त ५१८ नम्बरको ट्याक्टर आयोजनाको ड्याममा खसेको थियो । दुर्घटनामा राप्तीसोनारी–१, जरुवाका १९ बर्षिय ऋषि बिक बाँच्न सफल भएका छन् ।