बाँके । बाँकेमा मंगलबार ९ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार भेरी अस्पतालको प्रयोगशालामा भएको परिक्षणबाट मंगलबार थप ९ जनामा कोरोना पुष्टि भएको हो ।

जसमा महिला २ र ७ जना पुरुष रहेका छन् । योसंगै नेपालमा मंगलबार ३२३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता जागेश्वर गौतामका अनुसार पछिल्लो २४ घण्टामा ३२३ जनामा कोरोना पुष्टि भएको हो । मन्त्रालयका अनुसार २९२ पुरुष र ३१ जना महिला रहेका छन् ।

आज थपिएकासहित नेपालमा संक्रमितको संख्या ४ हजार ८५ पुगेको छ । नेपालमा हालसम्म ५८४ जना उपचारपछि निको भएका छन् । हालसम्म देशका ७२ जिल्लामा संक्रमण देखिएको छ । आज इलाम जिल्लामा समेत कोरोना संक्रमण देखिएको छ।