काठमाडौं । कोरोना भाइरस अर्थात ‘कोभिड १९’ले पारेको असरको विषयमा छोटो फिल्म ‘कोभिड १९’ निर्माण भएको छ । रमेश बन गोसाईको निर्देशन रहेको फिल्म स्वर्गद्वारी फिल्मस् पोस्ट प्रोडक्सनबाट निर्माण भएको हो ।

कोरोना कहरमा मानिसलाई परेको बिभिन्न असर र बिपन्न परिवारले भोग्नु परेको समस्या फिल्मको कथा बनाइएको छ । राजबहादर सानेको लेखन रहेको फिल्ममा राई प्रपोज राई र दिलमाया बिश्वकर्माको अभिनय छ । चेतन सागरको सम्पादन, पाश्र्व संगीत रहेको फिल्म जेठ ८ गते युट्युवमार्फत सार्वजनिक हुने निर्माण युनिटले जनाएको छ ।