फाइल तस्वीर

बाँके । भारतमा काम गर्न गएका नेपालीहरु लकडाउनका कारण घर फर्किन पाएका छैनन् । फर्किँदै गरेकाहरुलाई भारतीय क्वारेन्टाइनमै राखिएको छ । तर, क्वारेन्टाइनमा राखेर भारतीय सुरक्षाकर्मी र स्वास्थ्यकर्मीले नेपालीहरुमाथि अमानवीय तरिकाले दुर्व्यवहार गर्ने गरेका छन् । भारतका सीमावर्ती सहरमा बसेका नेपाली एकै कोठामा खाँदाखाँद बसेका छन् ।

भारतका विभिन्न ठाउँमा काममा गएका नेपालीहरु भारतमा लकडाउनपछि पैदलै फर्किने क्रममा क्वारेन्टाइनमा राखिएका उनीहरुलाई भारतीय सुरक्षाकर्मी र स्वास्थ्यकर्मीले चरम र अमानवीय तरिकाले दुर्व्यवहार गर्ने गरेको एउटा भिडियो अहिले सामाजिक सञ्जालमा भाइरल भइरहेको छ । उनीहरूको चरम दुर्व्यवहारले नेपालीहरु हैरान भएको देखिन्छन् ।

नेपालमा रहेका भारतीयलाई नेपाल सरकार र भारतमा रहेका नेपालीलाई भारत सरकारले व्यवस्थित ढंगले क्वारेन्टाइनमा राखेर उचित व्यवस्थापन गर्नुपर्ने सहमति छ । तर भारतीय क्वारेन्टाइनमा रहेका नेपालीहरुलाई भारतीय सुरक्षाकर्मी र स्वास्थ्यकर्मीको व्यवहार संवेदनहिन र अमानवीय रहेको भिडियोमा देख्न सकिन्छ ।

हेर्नुस् भिडियो :