कैलाली । कैलालीको धनगढीबाट पेस्तोलसहित तीनजनालाई प्रहरीले पक्राउ गरेको छ । प्रहरीको क्षेत्रीय अनुसन्धान समूहबाट प्रहरी नायव निरीक्षक केशव जोशीको कमाण्डमा खटिएको टोलीले धनगढी–७ को जाखोरताल क्षेत्रबाट एक थान पेस्तोलसहित तीनजनालाई पक्राउ गरेको हो ।

पक्राउ पर्नेमा धनगढी उपमहानगरपालिका १२ का २१ वर्षीय अविनाश थापा, सोही ठाउँका २० वर्षीय नब्बु भनिने नवराज बराइली र २५ वर्षीय विनोद कुँर रहेका छन् । विशेष सूचनाको आधारमा उनीहरुलाई पक्राउ गरिएको प्रहरीले जनाएको छ । पक्राउ परेका सबैलाई आवश्यक कारबाहीका लागि जिल्ला प्रहरी कार्यालय कैलालीमा ल्याई घटनाबारे थप अनुसन्धान भइरहेको प्रहरी नायव उपरीक्षक दक्ष् बस्नेतले जानकारी दिए ।