बाँके । मोटरसाइकल दुर्घटनामा प्रहरी जवान सुभाष सार्कीको मृत्यु भएको छ । दशगजामा क्वारेन्टाइनमा रहेको डिउटी सकेर राती अढाई बजे कोठामा जाँदै गरेका प्रहरी जवान सार्कीको मोटरसाइकल दुर्घटनामा मृत्यु भएको हो । भे ३ प ३९ नम्बरको मोटरसाइकलमा सवार रहेका प्रहरी जवान सार्की राँझा चोकमा दुर्घटनामा परेका थिए ।

स्थानीय प्रशासनले भारतबाट फर्किएका व्यक्तिलाई राख्न दशगजामा बनाएको क्वारेन्टाइनमा शुरुदेखि नै डिउटीमा थिए । २३ औं दिन त्यहाँ राखेका सबैलाई घर पठाइए पनि प्रहरीको डिउटी कायमै थियो । राती दुई बजे डिउटी सकेपछि कोठामा जान हिँडेका प्रहरीको जवान मोटरसाइकल दुर्घटनामा परेर मृत्यु भएको बाँके प्रहरी प्रवक्ता डीएसपी शिवबहादुर सिंहले जानकारी दिए ।