बाँके । गायिका गीता शाही र र गायक बीर खाँण ठकुरीको स्वरमा झ्याउरे गीत एल्बम ‘मायाको झझल्को’ म्यूजिक भिडियो बजारमा आएको छ । दुरदर्शन थापाको शब्द तथा लय रहेको एल्बमको निर्देशन दिपेन्द्र थापा मगरले गरेका छन् ।

गीतमा संगीत संयोजन अलिफ खानको रहेको छ भने छायांकन हेमन्त कँडेलले गरेका छन् । म्यूजिक भिडियोमा दिपेन्द्र थापा मगरले, मनिषा थापा मगर, नवीन चन्द र तुल्सा सुनारको अभिनय रहेको छ ।

माया अनि पिरतीमा वितेका पलहरु सम्झिँदै निर्माण गरिएको एल्बमको दृष्य निर्माण क्रियटिभ मिडिया एण्ड रिसर्च सेन्टर वीरेन्द्रनगरले गरेको छ भने सम्पादन मानबहादुर वलीले गरेका छन् । गीतले दर्शक, श्रोताहरुको माया र साथ पाउने गायिका गीता शाहीको बिश्वास छ ।