सिमकोट । हुम्लाको सर्केगार्ड गाउँपालिका–६ का टेकबहादुर ऐडीको भीरबाट खसेको ढुंगा लागेर मृत्यु भएको छ । बराई गाउँ नजिकै रहेको मन्दिरमा पूजा गर्ने क्रममा भीरबाट खसेर आएको ढुंगा लागेर उनको मृत्यु भएको हो ।

४१ वर्षे ऐडी गाउँ नजिककै माडुमा पूजा गर्ने बेला भीरबाट खसेको ढुंगा लागेर घटनास्थलमै मृत्यु भएको स्थानीय जनक ऐडीले बताए । मृतक ऐडीको टाउको र शरीरमा चोट लागेको थियो । पूर्णिमाको दिन स्थानीय देवीदेवताको पूजाआजा गर्ने गरिन्छ । देवताको माडुमा बोका बली दिने चलन रहेको । मृतक ऐडी नेपाल कम्युनिष्ट पार्टीका जिल्ला कमिटि सदस्य थिए ।