काठमाडौं । बालगायक आयुष केसीको गीत ‘एउटा बालक’ सार्वजनिक भएको छ । गायक अमृत क्षेत्री शब्द अनि संगीतमा आयूषले गाएको गीत सार्वजनिक भएको हो । ‘सुरशाला जुनियर आइडल सिजन १’ को विजेता केसी भारतको चर्चित रियालिटि शो ‘सारेगमप’मा सहभागी भएका थिए ।

यो भन्दा अगाडि आयुषले चलचित्र ‘हजार जुनीसम्म’को शीर्ष गीत गाएका थिए । आयुष आफै अभिनय गरेको ‘एउटा बालक’ गीतलाई सुरशाला म्युजिक एकेडेमीले आफ्नै युट्युब च्यालनबाट सार्वजनिक गरेको हो । यो गीतलाई देवेन्द्र नेवाले एरेञ्ज गरेका हुन भने प्रकाश मिश्रले मिक्सिङ गरेका हुन् ।