शोभी लुरुङ्ग
मिरिक बजार, दार्जिलिङ्ग

भीडहरूको बीच एउटा सुन्दर मुहार
नशालु आँखाको भाव,
एकै चोटि हेर्दामै मधुमुग्ध भयो नजर
झरझराउदो मुहारले झन् बिहोस बन्न पुगेछु ।

पहिलो दिनको दर्शन मननै उत्साहित
सँधै सँधै धाउन मन भो त्यहीँ भीडमा
अल्झेर बसेछ त्यहीँ सातो झस्केर
यो मनलाई अब तृष्णा लाग्न थालेछ ।

दिनदिनै मनको आतुरी बड्न थालेछन्
एकैछिन नदेख्दा पनि यो मनमा
हजारौं शंका जाग्नु थालेछ खै,
उसको कस्तो नजरु बाण खुत्रुक्कै पारेछन् ।

समयहरु पनि अब कोल्टे फेर्नु थालेछन्
एकोहोरो मायाको सामु दैव नै टेकेछन्
प्रतिदिनको हेराईले बर्ष नै काटेछन्
आँखीझ्यालमा उसैको छबि ‘परिचित’ बनी बसेछन् ।