बाँके । नेपालगन्ज–कोहलपुर सडक खण्डको हवल्दारपुरमा मिनिट्रकले किच्दा आधा दर्जनभन्दा बढी भेडा मरेका छन् । नेपालगन्जबाट कोहलपुरतर्फ जाँदै गरेको भे १ ख २१६६ नम्बरको मिनिट्रकले बाटो काट्दै गरेका भेडाको बथानलाई आज दिउँसो ठक्कर दिँदा ९ वटा भेडा मारेका छन् ।

ट्रकको ठक्करपछि भेडाहरु किचिएर बाटोभरी छरिएका थिए । जानकी गाउँपालिका–६ निवासी दंशराम गडरियाले चराउन लैजाँदै गरेका भेडालाई हवल्दारपुरस्थित शिखर प्लाई उद्योग नजिकै मिनिट्रकले ठक्कर दिएको थियो । ईलाका प्रहरी कार्यालय कोहलपुरका अनुसार ठक्कर दिने ट्रकलाई नियन्त्रणमा लिएको छ भने चालक फरार रहेको जनाएको छ ।