सत्यराज सिंह । बझाङ । भरुवा बन्दुकसहित प्रहरीले बझाङमा एक जनालाई पक्राउ गरेको छ । बित्थडचिर गाउँपालिका–१ भाराभिडका ४५ बर्षिय लालबहादुर बोहरालाई पक्राउ गरेको हो । बोहरा से ३ प २९५२ नम्बरको मोटरसाइकलमा देउलेख बजारतर्फ गइरहेको अवस्थामा पक्राउ गरेको जिल्ला प्रहरी कार्यालय बझाङले जनाएको छ ।

एकनाले भरुवा बन्दुकसहित देउलेख बजारबाट नियन्त्रणमा लिएको जिल्ला प्रहरी कार्यालय बझाङका प्रवक्ता ईश्वरीदत्त पाण्डेले बताए । बोहरालाई हातहतियार खरखजाना कसुर मुद्दा दर्ता गरी जिल्ला अदालतबाट पहिलो पटक सात दिनको म्याद थप गरी अनुसन्धान अघि बढाएको पाण्डेले बताए ।