फाइल तस्वीर

बर्दिया । बर्दियाको बारबर्दिया नगरपालिका–७ रम्भापुरमा बस दुर्घटना हुँदा १७ जना घाइते भएका छन् । बझाङ्गबाट काठमाडौतर्फ जाँदै गरेको ना ख १३३९ नम्बरको बस आज बिहान पूर्वपश्चिम राजमार्ग अन्तरगत रम्भापुरमा दुर्घटना भएको हो । घाइतेहरुको नाम भने खुल्न सकेको छैन ।

दुर्घटनामा घाइते भएकामध्ये पाँच जनाको अवस्था गम्भीर रहेको जिल्ला प्रहरी कार्यालय बर्दियाका प्रहरी नायव उपरीक्षक मदनजीत महराले जानकारी दिएका छन् । गम्भीर घाइते भएका पाँच जनालाई उपचारका लागि कोहलपुरस्थित शिक्षण अस्पतालमा ल्याएइको छ भने अन्य १२ जनाको स्थानीय स्वास्थ्य केन्द्रमा उपचार भइरहेको छ ।