काठमाडौं । संस्कृति, पर्यटन तथा नागरिक उड्डयन मन्त्री रवीन्द्र अधिकारीका बुवा आमा काठमाडौं पुगेका छन् । मन्त्री अधिकारीको हेलिकप्टर दुर्घटनामा परी निधन भएपछि बुवाआमालाई हेलिकप्टरबाट काठमाडौं ल्याइएको हो ।

पोखरामा रहेका बुवा ईन्द्रप्रसाद अधिकारी र आमा लक्ष्मीदेवी अधिकारी हेलिकप्टरमा काठमाडौं आएका पारिवारिक स्रोतले जनाएको छ । मन्त्री अधिकारीका पत्नीसहित २ जना छोराहरू छन् । मन्त्री अधिकारीसहित ७ जना सवार एयर डाइनास्टीको हेलिकप्टर बुधबार दिउँसो ताप्लेजुङको फुङलिङ–१० मा दुर्घटना भएको थियो । उनीहरूको शव काठमाडौं ल्याउने तयारी भइरहेको छ ।