सीमावर्ती भारतीय बजार वनबासाबाट करीब २० किलोमिटर साइकलमा हिँडेर यिनीहरूले दैनिक डेढदेखि दुई क्विन्टलसम्म सामान बोकेर सदमुकाम भीमदत्तनगर सामान पु¥याउने गरेका छन् । सामान ढुवानीबाट महिला मजदुरलाई दैनिक रु २०० देखि ४०० सम्म आम्दानी हुने गरेको छ ।

आम्दानीबाट आफूहरुले परिवारको खर्च एवं बालबालिकाको पढाइ खर्च जुटाउने गरेको उनीहरूको भनाइ छ । कडा परिश्रमबाट आएको आम्दानीले दैनिक खर्च टार्नुपरेको वेदकोट नगरपालिकाकी जानकी रानाले बताउनुभयो । “कहिलेकाहीँ भन्सार कर्मचारीले दुःख दिन्छन्”, रानाले भन्नुभयो, “सामान ढुवानी गरेर परिवार धान्नु हाम्रो बाध्यता हो ।”

त्यसैगरी भीमदत्तनगरपालिका–२ की अम्बरा बुढाथोकी पनि घरमा कमाउने कोही नभएपछि ‘क्यारिङ’ को काम शुरु गरेको बताउनुभयो । विगत नौ वर्षदेखि घरखर्च धान्नकै लागि उहाँले सामान ढुवानी गर्दै आएको दुखेसो पोख्नुभयो । कञ्चनपुरमा भारतीय सीमावर्तीबाट दैनिक ४० भन्दा बढी महिलाले सामान ढुवानी गरेर जीविका चलाउँदै आएका छन् । (रासस)