महोत्सवमा स्थानीय तामाङ संस्कृति र स्थानीय उत्पादनहरूको प्रदर्शन तथा प्रवद्र्धन गरिनुका साथै विभिन्न स्थानीय तथा राष्ट्रिय कलाकारहरुको सांस्कृतिक प्रस्तुति पनि रहने छ । स्थानीय जनताको घरमा खेर गएको कवाड सङ्कलन गरेर २४५ किलो कागजको प्रतिमा स्थापना गरेको सोही स्थानमा यो महोत्सव पश्चात एक हजार किलोको नेपालकै सबैभन्दा ठूलो कागजको प्रतिमा स्थापना गर्ने उद्देश्य रहेको प्रदेशसभा सदस्य रामेश्वर फुयालले जानकारी दिनुभयो ।
काठमाडौँ उपत्यकाका उत्तरी पर्वतहरूको प्रवद्र्धन गर्ने तथा सोही स्थानमा महोत्सवमार्फत विभिन्न स्थानीय उत्पादनहरुको जगेर्ना तथा विकास गर्ने उद्देश्यले महोत्सव आयोजना गरिएको उहाँको भनाइ छ । सो स्थानबाट काठमाडौँ उपत्यकाको मनोरम दृश्य हेर्न सकिन्छ भने सूर्योदय र सूर्यास्तको दृश्य मनोरञ्जन लिनका लागि पनि उपयुक्त रहेको सोही स्थानमा विभिन्न प्राकृतिक सम्पदाहरु पनि रहेका छन् ।
(रासस)