बाँके । चितुवाको छालासहित प्रहरीले केहीबेर अगाडि नेपालगन्ज उपमहानगरपालिका-४ बसपार्कबाट २ जनालाई नियन्त्रणमा लिएको छ । प्रदेश नम्बर पाँचको अपराध अनुसन्धान ब्यूरोको टोलीले केहीबेर अगाडि बसपार्कको एक होटेलबाट एक थान चितुवाको छालासहित २ जनालाई पक्राउ गरेको हो ।

अपराध अनुसन्धान ब्यूरोका इन्चार्ज प्रहरी निरीक्षक बोधराज रेग्मीको नेतृत्वको टोलीले उनीलाई पक्राउ गरेको बताइएको छ । चितुवाको छालासहित पक्राउ पर्नेमा रोल्पा लिवाङ नगरपालिका १ का चन्द्र बहादुर घर्ती र सोही जिल्ला शुनील स्मृति गाउँपालिकाका २ का आइते विष्ट रहेका छन् ।