बाँके । बाँकेको खजुरा गाउँपालिका–३ मा आज युवाहरुका लागि विशाल भण्डाराको आयोजना गरिएको छ । युवाहरु पनि सामाजिक कार्य एवं परम्परा संरक्षणमा लाग्नुपर्छ भन्ने उद्देश्यले सामाजिक सेवा दिवस र सोह्र श्राद्धको पूर्व सन्ध्यामा सम्पूर्ण पितृहरुको सम्झनामा भण्डाराको आयोजना गरिएको हो ।
पछिल्लो समय युवाहरु जुवा तास लगायतका कुलतमा लागेर बिग्रिरहेको अवस्थामा यस क्षेत्रका युवाहरु त्यस्ता गतिविधिमा नलागुन् भनेर खजुरा गाउँपालिका–३ मा गठित हिमाल युवाले गत बर्षदेखि युवाहरुका लागि विशाल भण्डाराको आयोजना गर्दै आएको छ । लक्ष्मी नारायण मन्दिर परिसर खजुरामा आयोजना गरिएको विशाल भण्डारामा ५ सय बढीको सहभागिता रहेको हिमाल युवाका अध्यक्ष कमल जोशीले जानकारी दिए ।