बाँके । मोटरसाइकलको ठक्करबाट बाँकेमा एक जना पैदल यात्रीको मृत्यु भएको छ । नेपालगन्जबाट कोहलपुरतर्फ गइरहेको भे ४ प ५५५३ नम्बरको मोटरसाइकलको ठक्करबाट पैदल यात्रीको मृत्यु भएको ट्राफिक प्रहरी कार्यालय बाँकेले जनाएको छ ।
कोहलपुर नगरपालिका–१४ हवल्दारपुर नजिकै आज साँझ भएको सडक दुर्घटनामा परी सोही ठाउँका ७५ बर्षिय हरिबहादुर डाँगीको मृत्यु भएको हो । मोटरसाइकलको ठक्करबाट टाउकोमा गम्भीर चोक लागेका डाँगीको उपचारका क्रममा कोहलपुर मेडिकल कलेजमा मृत्यु भएको जनाइएको छ ।
मोटरसाइकल र चालक बाँसगढी नगरपालिका–७ बर्दियाका ४२ वर्षिय विष्णुप्रसाद पाण्डेलाई नियन्त्रणमा लिई थप अनुसन्धानका लागि जिल्ला प्रहरी कार्यालय बाँकेमा बुझाइएको जिल्ला ट्राफिक प्रहरी प्रमूख प्रहरी निरीक्षक हिरेन्द्र रोकायले जानकारी दिए ।