काठमाडौं । रेखा थापाको निर्माण रहेको फिल्म मालिकाको गीत रिलिज भएको छ । मंगलबार राजधानीमा एक कार्यक्रमको आयोजना गर्दै फिल्ममा समावेश हल्का माया बोलको गीत सार्वजनिक गरिएको हो ।
सुरेश अधिकारीको संगीत रहेको उक्त गीतमा नरबहादुर कार्कीको शब्द रहेको छ भने अन्जु पन्तको स्वर सुन्न सकिन्छ । रामजी रामिछानेको नृत्य निर्देशनमा तयार भएको भिडियोमा नायिका रेखा थापाले नृत्य प्रस्तुत गरेकी छिन् ।
ठुलो संख्यामा कोरश नचाइएको उक्त भिडियोमा नायिका रेखा थापा पनि मौलिक भेषभुषामा प्रस्तुत छिन् । कात्तिक २१ गतेबाट प्रदशर्नमा आउने फिल्ममा जाजरकोटकी कमला ओली मुख्य भूमिकामा प्रस्तुत भएकी छिन् ।
फिल्मको छायांकन जाजरकोटसहित काठमाडौं, बनेपा, बाँके लगायतका क्षेत्रमा गरिएको छ । नरबहादुर कार्कीको कथा रहेको फिल्ममा शिवम अधिकारीको पटकथा रहेको छ । रेखा फिल्मस् व्यानरमा निर्माण भएको फिल्ममा नरबहादुर कार्कीको लगानी छ । सरस्वती थापा र तारा थापा पनि फिल्मका निर्माता हुन् ।

गीतको भिडियो हेर्नुस् :