काठमाडौं । सानैबाट चलचित्रमा रमाउने सोचका साथ, यो क्षेत्रमा प्रवेश गरेकी कलाकार अनुष्का शर्मालाई यो क्षेत्र उनले सोचेजस्तो लागेन । चलचित्रभन्दा बाहिरी क्षेत्रका युवायुवतीलाई यहाँ प्रवेश गर्न गाह्रो रहेको वुझाई उनको छ ।
अनुष्काले आफूसँग प्रतिभा भएको दाबी गरिन् । अनुष्काले केहि नेपाली चलचित्र र भोजपुरी चलचित्रमा काम गरेकी छिन् । ‘शान’ चलचित्रमा आफै लगानी गरेर उनी कलाकार बनिन् । यसपछि, ‘डी कम्पनी र केहि भोजपुरी’ चलचित्रमा उनले काम गरेकी छिन् ।
चलचित्रका अफर आएपनि धेरै अफर गर्नेको नियत देखेर उनी दिक्क छिन् । उनले भनिन्, ‘कहिलेकाही त निकै दिक्क लाग्छ । दिनभरको काम सकेर साँझ नास्ता गर्ने गरि भेटौ भन्छन् । साँच्चै, उनीहरुलाई हिरोइन चाहिएको हो कि नायिका ?’
आफूलाई साँझ भेटौ भन्नेहरुलाई उनले ‘प्रेमिका चाहिएको हो कि नायिका’ भनेर जवाफ दिने गरेकी छिन् । एक्सन चलचित्रमा काम गर्ने आफ्नो इच्छा भएको बताउँदै उनले नायक आर्यन सिग्देलसँग काम गर्न मन लागेको सुनाइन् ।