काठमाडौं । नेपाल राष्ट्र बैंकका डेपुटी गभर्नर शिवराज श्रेष्ठको अधिकार कटौती गरिएको छ । विभिन्न बैकका विषयमा उनले गरेका निर्णय विवादस्पद भएपछि गभर्नर डा चिरन्जीवि नेपालले श्रेष्ठको अधिकार कटौती गरेका हुन् ।
श्रेष्ठको मातहतमा रहेका सामान्य सेवा र वित्तीय व्यवस्थापन विभागको जिम्मा अर्का डेपुटी गभर्नर चिन्तामणि सिवाकोटी लिएका छन् । दुई विभागको जिम्मेबारी हेरफेर भएको राष्ट्र बैंकका प्रवत्ता नारायणप्रसाद पौडेलले बताए । उनका अनुसार सामान्य सेवा र वित्तीय व्यवस्थापन विभाग डेपुटी गभर्नर सिवाकोटीले हेर्ने उनले जानकारी दिए ।
पछिल्लो समयमा आर्थिक प्रलोभनमा परी नेपाल बंगलादेश बैंकको सञ्चालक र प्रमुख कार्यकारी अधिकृत (सीईओ) को तेस्रो कार्यकाल थप्नका लागि लविङ गरेको उजुरी अख्तियार दुरुपयोग अनुसन्धान आयोगमा परेको छ । यस्तै कैलाश विकास बैंकको प्रमुख कार्यकारी अधिकृतको विषयमा गरेको निर्णय पनि विवादित बनेको छ । एपेक्स डेभलपमेन्ट बैंकमा पनि उनको नाम जोडिएको छ ।
पछिल्लो समयमा राष्ट्र बैंकमा उनले गरेको कामको विरुद्धमा अख्तियारमा उजुरीको चाङ परेको छ । पछिल्लो समयमा उनले बारम्बार काममा असहयोग गरेपछि गभर्नर उनले दुई विभागको जिम्मेबार खोसेका हुन् । गभर्नरलाई असहयोग गरेर काममा वाधा परेपछि उनलाई ती विभागको जिम्मेबारीबाट मुक्त गरिएको हो । केन्द्रीय बैंकमा १७ वटा विभाग छन् । विभागको जिम्मेबार गभर्नरले तोक्ने गरेका छन् ।