काठमाडौं । नेपाली कांग्रेसका नेता खुमबहादुर खड्काको निधन भएको छ । भारतको दिल्लीस्थित एपोलो अस्पतालमा उपचारत रहेका नेता खड्काको आज निधन भएको हो । कांग्रेस प्रवक्ता विश्वप्रकाश शर्माले ट्विट गरेर नेता खड्काको निधन भएको पुष्टि गरेका छन् ।
पूर्व गृहमन्त्रीसमेत रहेका खड्का मृगौला रोगबाट पीडित थिए । प्रवक्त शर्माले ट्विट गर्दै भनेका छन्, ‘सूचना एवं समवेदना ! भारत दिल्लीको अपोलो अस्पतालमा उपचाररत कांग्रेस नेता खुमबहादुर खड्काको भर्खरै निधन भएको छ । उहाँको आत्माले शान्ति प्राप्त गरोस्, कामना गर्दै परिवारजनमा हार्दिक समवेदना व्यक्त गर्दछु !!’