काठमाडौं । आन्तरिक राजस्व विभाग कर सेवादाता कार्यालय कलंकीले २५ करोड भन्दा बढी कर नतिर्ने ४० कम्पनीलाई १५ दिनको समयअवधि दिएको छ । कर बुझाउन बारम्बार टेलिफोन सम्पर्क र पत्राचार गर्दा पनि कुनै प्रतिक्रिया नआउ“दा अल्टिमेटम दिनु परेको कर सेवादाता कार्यालयले बताएको छ ।
४० कम्पनीले लामो समयदेखि मूल्य अभिवृद्धि कर तथा आयकर बुझाउन अटेर गरेको छ । तोकिएको समयमा कर बुझाउन नआए मूल्य अभिवृद्धि कर ऐन २०५२ को दफा २१ तथा आयकर ऐन २०५८ को दफा १०३ बमोजिम कानूनी प्रक्रिया अघि बढ्नेछ ।
सबैभन्दा धेरै कर नतिर्ने नविनलाल श्रेष्ठले संचालन गरेको मकवाना विस्कुट प्रालीले १ करोड २२ लाख ४३ हजार ९ सय २५ रहेको छ । यसैगरी कर नतिर्ने कम्पनीहरुमा सुनगाभा इटा उद्योग, विरेन्द्र मोटर पार्टस लगायत ४० कम्पनी रहेका छन् ।