बुटवल । रुपन्देही कोटइमायी–३ की १२ वर्षिय एक बालिकाको बलात्कारपछि हत्या भएको प्रहरी अनुसन्धानले देखाएको छ । बलात्कारपछि हत्या गरेको अभियोगमा प्रहरीले सोही ठाउँकै २१ वर्षिय सन्दीपकुमार धोबीलाई पक्राउ गरी मुद्दा चलाएको छ ।
एक महिनाअघि माघ २२ गते आफ्नो खेतमा घाँस काट्न गएकी बालिका आफ्नो चुन्नीले कसेको अवस्थामा मृत फेला परेकी थिइन् । घटनाको अनुसन्धान गर्दा धोबीले बालीकालाई एक्लै भएको मौकामा जबरजस्ती बलत्कारपछि चुन्नीले घाँटी कसेर हत्या गरेको प्रहरीले बताएको छ ।
घटनापछि गत माघ २९ गते प्रहरीले धोबीलाई पक्राउ गरी अनुसन्धान गरेको थियो । धोबीलाई जबरजस्ती करणी र कर्तव्य ज्यान मुद्दामा सम्पूर्ण अनुसन्धान पुरा गरी जिल्ला सरकारी वकिल कार्यालय रुपन्देहिमा रायसहित मिसिल पेश गरिएको जिल्ला प्रहरी कार्यालय रुपन्देहीका डिएसपी डिल्लीनारायण पाण्डेले जानकारी दिए ।