रेनुका गिरी । बुटवल । प्रदेश ५ मा उपसभामुखको आज शनिबार उम्मेद्वारी दर्ता हुँदैछ । भोली आइतबार हुने उपसभामुख निर्वाचनका लागि शनिवार विहान १० बजेदेखि दिउँसो २ बजेसम्म उम्मेदवारी दर्ता हुनेछ । संसदको दोस्रो बैठकले उपसभामुखको निर्वाचनका लागि फागुन ६ गते तेस्रो बैठक बोलाएको थियो ।
उपसभामुखमा एमालेका तर्फबाट महिला सांसदले उम्मेद्वारी दर्ता गर्नेछन् । सभामुख वा उपसभामुखमध्ये एकजना महिला हुनुपर्ने संवैधानिक प्रावधान अनुसार, एमालेले कृष्णी थारुलाई उपसभामुख बनाउने निर्णय गरेको थियो । यसअघि दाङकी धमकली थारू चौधरीको नामसमेत उपसभामुखको चर्चामा रहे पनि एमालेले पूर्वकम्लरी कृष्णीलाई उपसभामुख बनाउने भएको हो ।