काठमाडौं । राष्ट्रियसभाको चुनावको तयारी पूरा भएको छ । आज (मंगलबार) मिडिया सेन्टरमा विशेष पत्रकार सम्मेलन गरी निर्वाचन आयोगले भोलि (बुधबार) हुने चुनावको सम्पूर्ण तयारी पूरा भएको जानकारी दिएको हो ।
पत्रकार सम्मेलनलाई सम्बोधन गर्दै प्रमुख निर्वाचन आयुक्त डा.अयोधिप्रसाद यादवले चुनावका लागि आवश्यक सबै तयारी भएको जानकारी दिए । बुधबार हुने चुनावबाट ७ प्रदेशबाट ५६ जना राष्ट्रिय सभा सांसद चयन हुने छन् । जसमा २४ जना निर्विरोध भइसकेका छन् ।