काठमाडौं । स्वास्थ्य परीक्षणका लागि थाइल्याण्डको राजधानी ब्याङ्कक गएका एमाले अध्यक्ष केपी शर्मा ओली काठमाडौं फर्केका छन् । थाइ एयरलाइन्सको जहाजबाट काठमाडौं फर्केका एमाले अध्यक्ष ओली चढेकै जहाजमा पूर्व युवराज्ञी हिमानीपनि काठमाडौं फर्केकी छन् ।
उनीहरु थाइ एयरलाइन्सको टिजी ३१९ नम्बरको उडानबाट काठमाडौं फर्केका हुन् । १०ः४० को उडानबाट काठमाडौं फर्केका उनीहरु ब्याङ्ककस्थित सुवर्णभूमि अन्तर्राष्ट्रिय विमानस्थलको गेट नम्बर सी–८ बाट प्रवेश गरेका थिए ।
उनीहरु चढेको जहाज काठमाडौंस्थित त्रिभुवन अन्तर्राष्ट्रिय विमानस्थलमा १२ः४८ मा अवतरण गरेको हो । हिमानी ब्याङ्ककमा अध्ययनरत छोरी प्रेरणालाई पुर्याउन दुई हप्ताअघि ब्याङ्कक गएकी थिइन् । त्यसमध्ये हिमानी २१ पुषमा ब्याङ्ककतर्फ उडेकी थिइन् भने ओली ५ दिनपछि २६ पुषमा ब्याङ्कक पुगेका थिए ।