कल्पना बोहरा/अछाम । नेपाली सेनाको भ्यान मंगलवार अछाममा दुर्घटना भएको छ । दुर्घटनामा परि १४ जना घाइते भएका छन् । घाइतेमध्ये २ जनाको अवस्था गम्भीर रहेको छ । गम्भीर घाइते हुनेमा नारायण सिंह महरा र रमेश कठायत रहेका छन् ।
बाजुरावाट दुर्गा वक्स गण मंगलसैन जादै गरेको नेपाली सेनाको लु १ ग २७८ नम्वरको भ्यान साफेवगर मंगलसैन सडक खण्ड अन्तरगत रामारोशन पर्यटन मार्गको जिरो प्वाइट नजिकै मंगलवार साझ ७ वजेतिर दुर्घटनामा परेको हो ।
भ्यानको व्रेक फेल भएकाले गाडीलाई सुरक्षीत पार्न चालकले गाडी सडकको भित्तामा पल्टाएको वुझिएको छ । दुर्घटनामा घाइते भएकाहरुको वयालपाटा अस्पताल अछाममा उपचार भइरहेको छ । बाजुरामा प्रदेश सभा र प्रतिनिधि सभाको निर्वाचनका लागी खटिएको नेपाली सेनाको गाडी फर्किने क्रममा दुर्घटनामा परेका हो ।