बाँके । बर्दियाको बडैयाताल गाउपालीका वडा नं. २ जमुनीबाट नेपालगन्जतर्फ ल्याउँदै गरेको अवैध काठ सशस्त्र प्रहरीको राजस्व तथा भन्सार सुरक्षा गुल्मबाट खटिएको टोलीले बरामद गरेको छ । राजस्व तथा भन्सार सुरक्षा गुल्मबाट खटिएको टोलीले बाँके खजुरा गाउँपालिका २ रिमझिम चोकबाट काठ बोक्न प्रयोग गरिएको ट्याक्टरसहित २८.२१ क्यूफिट काठ नियन्त्रणमा लिएको हो । काठसहित ट्याक्टर चालकलाई पनि प्रहरीले नियन्त्रणमा लिएको छ ।
काठ कसको हो भन्ने बिषयमा आवश्यक अनुसन्धान भैरहेको र अनुसन्धान पछि नेपालगन्ज भन्सार कार्यालयको जिम्मा लगाइने राजस्व तथा भन्सार सुरक्षा गुल्म नेपालगन्जका प्रमुख शसस्त्र प्रहरी नायब उपरिक्षक सन्तोषबिक्रम शाहले जानकारी दिए । राजस्व तथा भन्सार सुरक्षा गुल्म नेपालगन्जले पछिल्लो समयमा बाँकेका छोटी भन्सारतर्फ पनि निगरानी गर्दै आइरहेको छ । वरामद गरेको ट्याक्टर र काठ जिल्ला बन कार्यालय बाँकेमा बुझाइएको प्रहरीले जनाएको छ ।