सुर्खेत, २४ भदौ । सुर्खेतको वीरेन्द्रनगर नगरपालिका वडा नम्बर ५ मा सडक बत्ती जडान गरिएको छ । वडा उज्यालो कार्यक्रम अन्तरगत वडाभित्रका सडकमा १७४ वटा बत्ती जडान गरिएको हो । वडाको विपत् व्यवस्थापन कोषमध्येको १ लाख रकमबाट वडाभित्रका १७४ पोलमा सडक बत्ती जडान गरिएको वडा सदस्य चन्द्रलाल सापकोटाले जानकारी दिए । वडाभित्रका अन्य पोलहरुमा पनि सडक बत्ती जडान गर्दै जाने उनको भनाई छ । वडाभित्रका १७४ वटा विद्युत्त पोलमा आुधनिक (एलईडी) बल्व जडान गरिएको छ । चाडपर्वको बेलामा रातिको समयमा हुन सक्ने सम्भावित घटना रोक्न उज्यालो कार्यक्रम अन्तरगत बत्ती जोडिएको वडा अध्यक्ष राजबहादुर गुरूङले बताए ।