रुकुम पश्चिममा कांग्रेसले जीतको सुरुवात गरेको छ । सदरमुकाम समेत रहेका मुसिकोट नगरपालिका वडा नं १ को वडा अध्यक्षमा नेपाली कांग्रेसका ज्ञानु चन्द ९०२ मतले विजयी भएका छन् ।

उनले माओवादीका डम्बर थापालाई २९ मतान्तरले पराजित गरेका हुन् । यहाँ नगर प्रमुख र उपप्रमुखमा समेत कांगे्रस उमेद्वारको अग्रता छ । नगर प्रमुखमा कांग्रेसका महेन्द्र केसी १ हजार १० मत ल्याउँदा माओवादीका बसन्त शर्माले ७५८ मत ल्याएका छन् ।

मुसिकोटमा कांग्रेस, एमाले र माओवादी, समाजवादीको गठबन्धन छ । रुकुमको चौरजहारी नगरपालिकामा पनि कांग्रेस एमाले गठबन्धनको अग्रता छ । अघिल्लो स्थानीय तह निर्वाचनमा रुकुम क्लीन स्वीप पारेको माओवादी यो पटक अलि सकसमा छ ।