मोरङ ।  मोरङको पथरीका पूर्व अध्यक्ष ६६ वर्षीय तिलक वान्तवा राईको कोरोना संक्रमणबाट मंगलबार विहान मृत्यु भएको छ।

राईलाई गत कात्तिक २१ गते कोरोना संक्रमण देखिएको थियो। संक्रमण देखिएपछि केहीदिन वीपी कोइराला स्वास्थ्य विज्ञान प्रतिष्ठान धरानमा उपचारपछि होम आईसोलेसनमा बस्नेगरि फर्किएको पारिवारिक श्रोतले जनाएको छ।

५ दिनअघि स्वास प्रश्वासमा समस्या देखिएपछि मोरङ बुढीगंगाको विराट मेडिकल कलेजमा भेन्टिलेटरमा उपचाररत राईको मंगलबार विहान मृत्यु भएको पथरीशनिश्चरेका स्वास्थ्य प्रमुख मुरारी आचार्यले बताए।

राई पथरीको पहिलो जननिर्वाचित अध्यक्ष हुन्। उनका ४ छोरी, २ छोरा र श्रीमती छन्। राईका छोरा दिपक राई नेपाली राष्ट्रिय फुटवल टिमका खेलाडी हुन्।