बाँके । बाँकेमा आज ३७ जना कोरोनामुक्त भई डिस्चार्ज भएका छन् । विभिन्न आइसोलेशनमा रहेका २२ पुरुष र १५ महिला कोरोनामुक्त भएर डिस्चार्ज भएका हुन् । योसँगै बाँकेमा कोरोना संक्रमणबाट निको भई डिस्चार्ज हुनेको संख्या २ हजार ६२२ पुगेको छ ।

स्वास्थ्य कार्यालय बाँकेका कोरोना फोकल पर्सन नरेश श्रेष्ठका अनुसार अब आइसोलेशनमा बाँकेका ३३८ र अन्य जिल्लाका १८ गरी ३५६ जना छन् । बाँकेमा विरामी निको हुने दर ८७ दशमलव ६९ प्रतिशत रहेको छ । बाँकेमा हालसम्म २ हजार ९९० जनामा कोरोना पुष्टि भएको छ भने ३० जनाको मृत्युु भइसकेको छ ।